Къазма юртда асилликге айтылгъан

Тувгъан эдинг Шихсолтанны белинден .

Къагьру давгъа гетип атанг къалгъан сонг,

Кёстек юртгъа гёчдюнг ата элингден.

Жаны йимик кёп сюеген анангны

Къардашлары сени де бек аяды

Элибизни дав аздыргъан йылларда

Олар сени гьеч азмагъа къоймады.

Магьаммат оьз яшын йимик сакълады

Оьстюрдю о асырап ва аявлап.

Ёкъ чу тюгюл эди ата юртда да

Халкъынг сени, сюйсенг аркъа таяма.

Къарчыгъадай оьсдюнг, Бакий, оьр болуп,

Оьзден юрек оьрлюк берди ишингде

Болмасанг да атанг болгъан давларда

Къызыл юлдуз янды сени тёшюнгде.

Афгандагъы дав этген халкъ оьзю де

Мюкюр болгъан дейлер сени кююнге

Сал сюегинг къайтып къалды уьюнге .

Оьзюнг сюйсенг Кёстекдеги школагъа

Кёп абурлап сени атынг къаюлгъан

Мактабны ал бетиндеги мармаргъа

Алтын булан азиз атынг къуюлгъан.